Бо самимияти зиёд ва эҳсоси ифтихор иттилоъ медиҳем, ки донишҷӯи курси сеюми PhD шуъбаи фолклор ва адабиёти Бадахшони Институти илмҳои гуманитарии ба номи академик Баҳодур Искандарови АМИТ — Фарзона Тошмамадова дар озмуни шаҳрии «Фурӯғи субҳи доноӣ – китоб аст» дар номинатсияи адабиёти классикӣ сазовори ҷойи сеюм гардид.
Ин дастоварди арзанда натиҷаи заҳмати пайвастаи хонум Тошмамадова, муҳаббати ӯ ба адабиёти классикӣ ва омодагии амиқи илмии ӯст. Ҳамзамон, ин комёбӣ бозгӯйи нақши роҳнамоӣ ва дастгирии устодон дар ҷараёни таҳсилу тадқиқот мебошад, ки бо масъулият ва садоқат дар парвариши насли ҷавони муҳаққиқон саҳм мегузоранд.
Фарзона таҳти роҳбарии илмии устодони бахш, дар муҳити илмии созанда ва бо барномаҳои омӯзишии муосир тавонист, ки малакаи таҳлил, омӯзиши амиқ ва суханвариеро рушд диҳад, ки барои муаррифии асарҳои классикӣ дар сатҳи баланд мусоидат намуд.
Бо камоли эҳтиром донишҷӯи фаъолу меҳнатдӯстамонро табрик намуда, барояш комёбиҳои минбаъда дар таҳқиқоти илмӣ, илҳом ва нерӯи тоза орзу менамоем. Ин комёбӣ ҳамчун як пояи устувори пешрафти шахсӣ ва илмиву фарҳангӣ арзёбӣ мешавад.
Институти илмҳои гуманитарии ба номи академик Баҳодур Искандаров минбаъд низ бо дастгирии чунин донишҷӯён ва такя бар устодони соҳибтаҷриба, мекӯшад муҳити созандаи илмӣ ва шароити мусоиди таҳқиқро фароҳам созад.