Конференсия
- Душанбе, 10 Феврал 2025
КОНФЕРЕНСИЯИ ИЛМИЮ НАЗАРИЯВӢ "ВМКБ: АЗ ТАЪСИСЁБӢ ТО СОҲИБИСТИҚЛОЛИИ ҶУМҲУРИИ ТОҶИКИСТОН"
КОНФЕРЕНСИЯИ ИЛМИЮ НАЗАРИЯВӢ "ВМКБ: АЗ ТАЪСИСЁБӢ ТО СОҲИБИСТИҚЛОЛИИ ҶУМҲУРИИ ТОҶИКИСТОН"
7-уми феврали соли 2025 дар Институти илмҳои гуманитарии ба номи академик Б. Искандарови Академияи миллии илмҳои Тоҷикистон бо иштироки олимон, муҳаққиқон ва намояндагони ниҳодҳои давлатӣ Конференсияи илмию назариявӣ таҳти унвони «ВМКБ: аз таъсисёбӣ то соҳибистиклолии Ҷумҳурии Тоҷикистон» баргузор гардид.
Дар конференсия равандҳои таърихии ташаккули Вилояти Мухтори Куҳистони Бадахшон, таҳаввулоти иҷтимоию иқтисодӣ ва фарҳангии он аз таъсисёбӣ то даврони соҳибистиқлолӣ баррасӣ гардида, аз нуқтаи назари илмӣ таҳлил гардиданд.
Муҳтавои Конференсия ва баромадҳои илмӣ:
Чорабинии илмӣ бо сухани ифтитоҳӣ аз ҷониби директори Институти илмҳои гуманитарӣ, доктори илмхои филологӣ Қаландариён Ҳоким Сафар оғоз гардида, дар он нақши илмҳои гуманитарӣ дар омӯзиши таърихи ташаккули ВМКБ мавриди баррасӣ қарор гирифт.
Сипас, Муовини Раиси ВМКБ муҳтарам Абдулназарзода Абдулназар Абдулқодир аҳамияти стратегӣ ва илмии омӯзиши таърихи ВМКБ ва рушди устувори онро дар маърузаи илмӣ таҳти унвони «Нигоҳи ҷаҳониён ба арзишҳои Бадахшон мероси фарҳангӣ ва нақши он дар тамаддуни ҷаҳонӣ» ба иштирокчиён ироа намуд.
Дар ҷараёни Конференсия олимони шинохта:
д.и.филол. Охонниёзов В.Д. бо маърузаи илмӣ: «Инъикоси арзишҳои миллӣ ва маҳаллӣ дар адабиёти замони соҳибистиқлолии Тоҷикистон: намунаи Бадахшон»;
н.и.т. Шоинбеков А.А. «Заминаҳои таърихии таъсисёбии ВМКБ: омилҳои сиёсӣ ва иҷтимоӣ»;
н.и.т. Абдураҳмонов З.В. «Нақши Шириншоҳ Шоҳтемур дар ташаккули ҳувияти миллии мардуми Бадахшон ва рушди маориф»;
н.и.т. Шоинбеков Ф.Н. «Омӯзиши археологии шаҳраки Карон ва нақши он дар бозшиносии таърихи ВМКБ»;
Раматшоев Д.А. «Рушди муассисаҳои олии илмӣ-таълимии ВМКБ дар даврони Истиқлол: таҳлил ва дурнамо»;
Амонбеков С. «Истифодаи иқтидорҳои сайёҳии ВМКБ дар раванди рушди иқтисодиёти минтақавӣ» тариқи маҷозиву ҳузурӣ баромад намуданд.
Тавсияҳо ва дурнамо:
Дар фарҷоми Конференсия аз ҷониби маърузачиён ва иштирокчиёни Конференсия тавсияҳои зерин пешниҳод гардиданд:
Таҳкими ҳамкориҳои илмӣ байни пажуҳишгоҳҳои миллӣ ва байналмилалӣ ҷиҳати омузиши аниқи таърих, фарҳанг ва ҷомеашиносии ВМКБ.
Дастгирии таҳқиқоти бостоншиносӣ ва таърихӣ, бахусус омӯзиши шаҳраки Карон ва дигар ёдгориҳои таърихии ВМКБ.
Истифодаи иқтидорҳои сайёҳӣ ва рушди устувори иқтисодиёти ВМКБ бо такя ба мероси таърихӣ ва табиати нотакрори минтақа.
Баёнияи мухтасар:
Конференсияи мазкур на танҳо саҳмгузорӣ дар таҳқиқоти илмӣ, балки иқдоми муҳиме дар шинохти амиқи таърихи ташаккули ВМКБ ва нақши он дар рушди давлати миллӣ ба ҳисоб меравад.
Натиҷаҳои бадастомада ва маърӯзаҳои илмии ироашуда дар шакли мақолаҳои илмӣ дар маҷаллаҳои илмии ватанӣ ва хориҷӣ нашр мегарданд, то ки барои муҳаққиқони оянда манбаи таҳқиқотии муътамад бошанд.
- Ҷумъа, 29 Ноябр 2024
КОНФЕРЕНСИЯИ ИЛМӢ - НАЗАРИЯВӢ: РУШДИ ИҶТИМОИЮ ИҚТИСОДИИ ВМКБ: МУШКИЛОТ, ТАМОЮЛҲО ВА ДУРНАМО
КОНФЕРЕНСИЯИ ИЛМӢ - НАЗАРИЯВӢ: РУШДИ ИҶТИМОИЮ ИҚТИСОДИИ ВМКБ: МУШКИЛОТ, ТАМОЮЛҲО ВА ДУРНАМО
29-уми ноябри соли 2024 дар толори Институти илмҳои гуманитарии ба номи академик Б. Искандарови АМИТ конференсияи илмӣ-назариявӣ таҳти унвони «Рушди иҷтимоию иқтисодии ВМКБ: мушкилот, тамоюлҳо ва дурнамо» баргузор гардид.
Дар оғози чорабинӣ муовини директор оид ба илм ва таълим, номзади илми филология Некушоева Ш.С. бо сухани ифтитоҳӣ баромад намуда, аҳамияти баргузории чунин чорабиниҳои илмиро дар рушди таҳқиқот ва омӯзиши масоили иҷтимоию иқтисодии минтақа таъкид намуданд.
Дар ҷараёни конференсия олимону тадқиқотчиёни ҷавон бо маърӯзаҳои ҷолиб ва таҳқиқотҳои худ баромад карданд. Барнома чунин ранг гирифт:
Мирзоева Мижгона, PhD, докторанти курси 3-юми ихтисоси “Иқтисодиёт ва идоракунии хоҷагии халқ”, дар мавзуи «Ребрендинг барои бизнеси хурд: қадаме ба сӯи муваффақият».
Таҳқиқоти Мирзоева роҳҳои инноватсионии рушд ва устувории бизнеси хурдро нишон дод, ки дар шароити муосир барои соҳибкорони ВМКБ хеле муҳим мебошанд.
Ҷумахонов Гулша, PhD, докторанти курси 2-юм, дар мавзуи «Механизмҳои иҷтимоӣ-иқтисодии мутобиқшавӣ ба тағйирёбии иқлим (дар мисоли иқтисодиёти ВМКБ)».
Ҷумахонов диққати иштирокчиёнро ба таъсири тағйирёбии иқлим ба иқтисодиёти минтақа ва зарурати рушди механизмҳои устувори мутобиқшавӣ ҷалб намуд.
Имомёрбекова Гулшан, PhD, докторанти курси 2-юм, дар мавзуи «Муҳоҷирати занон ва таъсири он ба раванди демографии ВМКБ».
Имомёрбекова равандҳои демографиро таҳлил намуда, муҳоҷирати занонро ҳамчун як омили таъсиррасон ба вазъи иҷтимоии минтақа арзёбӣ намуд.
Худобахшов Мубориз, магистранти курси 1-ум, дар мавзуи «Нақши НБО Роғун дар рушди иқтисод ва истиқлолияти энергетикии Тоҷикистон».
Худобахшов оид ба аҳамияти лоиҳаи НБО Роғун дар пешбурди иқтисоди миллӣ ва таъмин намудани истиқлолияти энергетикӣ сухан гуфт.
Дар анҷом натиҷагирии кори конференсия аз ҷониби ташкилкунандагон пешниҳод гардид.
Чорабинии мазкур на танҳо як платформа барои мубодилаи донишҳо ва идеяҳо гардид, балки аҳамияти илмиро дар омӯзиши масъалаҳои рӯзмарраи минтақаи Бадахшон бозгӯ кард. Мо ба ҳамаи иштирокчиён ва маърӯзачиён барои саҳми арзандаи онҳо изҳори сипос баён мекунем.
Илм – пояи рушди миллат!
- Душанбе, 18 Ноябр 2024
КОНФЕРЕНСИЯИ ИЛМӢ-НАЗАРИЯВӢ: «ПАРЧАМИ МИЛЛӢ - РАМЗИ СОҲИБИСТИҚЛОЛИИ ТОҶИКИСТОН»
КОНФЕРЕНСИЯИ ИЛМӢ-НАЗАРИЯВӢ: «ПАРЧАМИ МИЛЛӢ - РАМЗИ СОҲИБИСТИҚЛОЛИИ ТОҶИКИСТОН»
Дар заминаи ҳамкории ду муассиса — Институти илмҳои гуманитарии ба номи академик Баҳодур Искандаров ва Филиали Донишкадаи такмили ихтисоси омӯзгорони муассисаҳои таҳсилоти олии касбӣ дар ВМКБ ва Мақомоти иҷроияи ҳокимияти давлатии ВМКБ, имрӯз конференсияи илмӣ-назариявӣ бахшида ба Парчами миллӣ баргузор гардид.Оғози чорабинӣ
Конференсия бо суханони ифтитоҳии мудири шуъбаи таърих, бостоншиносӣ ва мардумшиносии Институти илмҳои гуманитарӣ, номзади илмҳои таърих, Шоинбеков Аловиддин оғоз ёфт. Таъкид гардид, ки парчами миллӣ на танҳо рамзи соҳибистиқлолии давлати тоҷикон аст, балки таърихи ташаккул ва ягонагии фарҳангии миллатро таҷассум мекунад.
Муовини Раиси Вилояти Мухтори Кӯҳистони Бадахшон, Абдулназарзода Абдулназар Абдулқодир, дар суханони табрикотии худ аҳамияти парчами миллиро барои таҳкими ваҳдати миллӣ ва эҳтироми арзишҳои давлатӣ қайд намуд. Номбурда ҷавононро ҳидоят кард, ки бо эҳтиром ба рамзҳои давлатӣ, аз ҷумла парчам, ифтихори миллӣ ва масъулияти шаҳрвандиро дар худ парвариш кунанд.
Директори Филиали Донишкадаи такмили ихтисоси омӯзгорони муассисаҳои таҳсилоти олии касбӣ дар ВМКБ Азизбек Раҳимдод Раҳимбек, низ дар суханронии худ ширкаткунандагонро табрику муборакбод намуданд.
Маърузаҳо ва муҳокимаҳо
Дар ҷараёни конференсия маърӯзаҳои муҳим аз ҷониби ходимони илмӣ ва коршиносони соҳа пешкаш шуданд:
Карамова Ибодат, ходими илмии шуъбаи таърих, бостоншиносӣ ва мардумшиносӣ, маърӯзаи пурмуҳтавои худро дар мавзӯи «Назаре ба таърихи пайдоиши парчам» пешкаш намуда, таърихи пайдоиши рамзҳои давлатӣ ва таҳаввули онҳо дар давраҳои гуногунро таҳлил кард.
Карам Парпишоев, номзади илми педагогика, дар мавзӯи «Акс ёфтани суннатҳои аҷдодӣ дар парчами давлатии Ҷумҳурии Тоҷикистон»-ро баррасӣ намуд. Таъкид гардид, ки рангҳо ва рамзҳои парчам таҷассумгари фарҳанги аҷдодии тоҷиконанд ва аҳамияти хос барои ташаккули худшиносии миллӣ доранд.
Шоинбеков Аловиддин, номзади илмҳои таърих, дар мавзуи «Таърихи парчами Тоҷикистон дар давраи ҳокимияти Шӯравӣ» суханронӣ намуда, нақши парчамро дар ҳифзи ягонагии миллӣ ва муттаҳидсозии ҷомеа баррасӣ намуд.
Азорабекова Ширингул, ходими илмии шуъбаи таърих, бо маърӯзаи худ дар мавзӯи «Нақши ранг дар парчами миллӣ ва мақоми он дар фарҳанги маънавӣ» таъкид кард, ки рангҳои парчам на танҳо рамзи давлатдорӣ, балки василаи пайвандсозии наслҳо мебошанд.
Натиҷаҳои муҳокима ва таъсири чорабинӣ ба ҷомеа
Ҳангоми натиҷагирии конференсия, таъкид гардид, ки:
1. Парчами миллӣ бояд ҳамчун сарчашмаи ваҳдат ва ҳувияти миллӣ дар зеҳни ҳар як шаҳрванд ҷой дода шавад.
2. Нақши ҷавонон дар арҷгузорӣ ба рамзҳои давлатӣ калидӣ аст, ва чунин чорабиниҳо метавонанд барои баланд бардоштани масъулияти шаҳрвандии онҳо мусоидат кунанд.
3. Ҳамкории муассисаҳои илмӣ, маъмурӣ ва таълимӣ бояд таҳким ёбад, то таҳқиқоти васеъ ва маъракаҳои маърифатӣ дар бораи арзишҳои миллӣ татбиқ шаванд.
Аҳамият барои ояндаи ҷавонон
Ин чорабинӣ на танҳо доираи донишҳои ҳозиринро васеъ намуд, балки ба ҷавонон илҳом бахшид, ки рамзҳои давлатӣ бояд бо эҳтироми хоса пазируфта шаванд. Таъкид гардид, ки ҷавонон ҳамчун насли ояндасози миллат метавонанд бо омӯхтани таърих ва арзишҳои парчам, саҳми худро дар рушди Тоҷикистон гузоранд.
Хулоса ва паём ба ҷомеа
Бо баргузор намудани чунин чорабиниҳои сатҳи баланд, ду муассисаи — Институти илмҳои гуманитарии ба номи академик Баҳодур Искандаров ва Филиали Донишкадаи такмили ихтисоси омӯзгорон дар ВМКБ ва Мақомоти иҷроияи ҳокимияти давлатии ВМКБ исбот намуданд, ки тавассути ҳамкории муассир метавон масъалаҳои калидии миллӣ, аз ҷумла ҳифз ва тарғиби рамзҳои давлатӣ, ба таври муассир ҳал намуд.
Парчами миллӣ - рамзи ваҳдат, худшиносӣ ва истиқлолияти ҳар як тоҷик!
- Ҷумъа, 01 Ноябр 2024
КОНФЕРЕНСИЯИ ИЛМИЮ АМАЛӢ БАХШИДА БА 30-ЮМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН ДАР МАВЗӮИ "КОНСТИТУТСИЯИ ҶУМҲУРИИ ТОҶИКИСТОН - ШИНОСНОМАИ МИЛЛАТУ ДАВЛАТ"
Имрӯз дар таърихи 31 октябри соли 2024 дар толори Институти илмҳои гуманитарии ба номи академик Б. Искандарови АМИТ КОНФЕРЕНСИЯИ ИЛМИЮ АМАЛӢ БАХШИДА БА 30-ЮМИН СОЛГАРДИ КОНСТИТУТСИЯИ ҶУМҲУРИИ ТОҶИКИСТОН ДАР МАВЗӮИ "КОНСТИТУТСИЯИ ҶУМҲУРИИ ТОҶИКИСТОН - ШИНОСНОМАИ МИЛЛАТУ ДАВЛАТ" бо иштироки роҳбарияти шаҳри Хоруғ, олимон, донишҷӯён ва хатмкунандагони магистратураи соли 2024 баргузор гардид.
Кумитаи тадорукоти Институти Илмҳои Гуманитарии ба номи академик Баҳодур Искандаров, самимона ба мақомоти роҳбарияти шаҳри Хоруғ, аз ҷумла ба Раиси муҳтарам Назарзода Ризо Шодӣ ва муовини Раиси шаҳри Хоруғ Ғолиб Ниятбеков, ки вақти пурқимати хешро дарёфт намуда, дар ин чорабинии муҳим ширкат варзиданд, изҳори миннатдорӣ менамоянд. Дастгирӣ ва таваҷҷуҳи роҳбарияти шаҳру вилоят ба фаъолияти илмӣ ва рушду инкишофи ҷомеа, алалхусус барои олимони институт манбаи илҳом ва ифтихор мебошад.
Директори Институт, Қаландариён Ҳоким Сафар, конференсияро бо сухани ифтитоҳӣ оғоз бахшид, пас аз он Раиси шаҳри Хоруғ муҳтарам Назарзода Ризо Шодӣ бо сухани табрикотӣ ба аҳамияти Конститутсия ҳамчун асоси ҳуқуқии кишвар ва рамзи миллии Тоҷикистон таъкид карданд. Инчунин, маърӯзаҳои пурмуҳтавои олимони институт Офаридаев Назрӣ, Ҳақназар Имомназар ва Карамова Ибодат оид ба нақши Конститутсия дар ҳаёти миллию иҷтимоии Тоҷикистон шунида шуданд.
Дар анҷоми конфронс, дипломҳои хатм ба магистрантҳои соли 2024 тақдим гардида, ба як қатор кормандони фаъоли Институт аз тарафи роҳбарияти шаҳри Хоруғ ифтихорномаҳо тақдим шуданд.
Арзи сипос ба ҳамаи иштирокчиён ва роҳбарият шаҳри Хоруғ барои саҳм гузоштан дар рушди илму фарҳанг ва ташаккули ояндаи Тоҷикистони азизу маҳбуби мо!
Муфассал ...