КОНФЕРЕНСИЯИ ИЛМӢ-АМАЛӢ ДАР МАВЗУИ «АРЗИШҲОИ УМУМИБАШАРӢ ДАР АШЪОРИ МАВЛОНО ҶАЛОЛИДДИНИ БАЛХӢ

КОНФЕРЕНСИЯИ ИЛМИЮ АМАЛӢ ДАР МАВЗУИ «КАЛОМ ВА ПАЁМИ РӮДАКӢ»

    ДАР ТАЪРИХИ 24.09.2024 ДАР ИНСТИТУТИ ИЛМҲОИ ГУМАНИТАРИИ БА НОМИ АКАДЕМИК Б. ИСКАНДАРОВИ АМИТ КОНФЕРЕНСИЯИ ИЛМИЮ АМАЛӢ ДАР МАВЗУИ «КАЛОМ ВА ПАЁМИ РӮДАКӢ» БАРГУЗОР ГАРДИД.

     Зимни сухани ифтитоҳӣ ва табрикотии худ директори ИИГ АМИТ, доктори илмҳои филологӣ Қаландариён Ҳ.С. таъкид бар он намуданд, ки Рудакиро беҳуда асосгузори назми тоҷику форс намешуморанд. Эҷодиёти ӯ на танҳо дар инкишофи адабиёти қаламрави Осиёи Миёна, балки берун аз он ҳам таъсири худро расонд. Эҷодиёти Рӯдакӣ доираи васеи жанрҳои адабиро дар бар мегирад, воқеан ҳам аз осори лирикӣ то осори дорои фикрҳои фалсафӣ миёни онҳо мушоҳида мегарданд ва ин албатта, гувоҳ бар истеъдоди бисёрҷанбаи ӯ мебошад.

     Дар кори конференсия маърузаҳои ҷолиб аз тарафи кормандони Институти илмҳои гуманитарӣ баррасӣ гардиданд, аз ҷумла маърузаи доктори илмҳои филологӣ Қаландариён Ҳ.С. таҳти унвони «Дуои сабзи шоир» ва маърузаи доктори илмҳои филологӣ Офаридаев Н. таҳти унвони «Лексикаи забонҳои шарқи эронӣ дар ашъори Рӯдакӣ» ба маърази шунавандагон пешкаш гардиданд. Баҳсу мунозираи пурмазмун перомуни ин ду маъруза баргузор гардида, андешаҳои ҷолиб аз тарафи иштироккунандагон иброз гардиданд.

КОНФЕРЕНСИЯИ ИЛМӢ-АМАЛӢ БАХШИДА БА 90-СОЛАГИИ ПРОФЕССОР ОЛУБОЛУ БОҚИЕВ

17.09.2024

КОНФЕРЕНСИЯИ ИЛМӢ-АМАЛӢ БАХШИДА БА 90-СОЛАГИИ ПРОФЕССОР ОЛУБОЛУ БОҚИЕВ

      Имрӯз дар Институти илмҳои гуманитарии ба номи академик Б. Искандарови Академияи миллии илмҳои Тоҷикистон бахшида ба 90-умин солгарди таърихнигори мумтоз, муҳаққиқи нуктасанҷу олими маъруфи тоҷик устод Олуболу Боқиев конференсияи илмӣ-амалӣ таҳти унвони “О. Боқиев - таърихнигори барҷастаи тоҷик” доир гардид.

     Зимни суханронии ифтитоҳӣ директори Институти илмҳои гуманитарии Қаландариён Ҳоким Сафар таъкид бар он доштанд, ки конфронси имрӯза ба хотири гиромидошти ёдбуди муаррихи барҷастаи тоҷик Боқиев Олуболу Боқиевич баргузор гардидааст, ки осори ӯ як ҷузъи ҷудонашавандаи китобхонаи илмии ҳам Институтамон ва ҳам китобхонаҳои ҷумҳуриявӣ гардидаанд. Тадқиқоти ӯ ба таҳқиқи самтҳои мухталифи таърихи Тоҷикистон, аз ҷумла вазъияти иҷтимоӣ ва иқтисодии Тоҷикистон то давраи пеш аз инқилоб, ҳамроҳшавии Осиёи Миёна ба Россия ва таҳқиқотҳо дар таъриху таърихнигории тоҷикон бахшида шуда, ба рушди соҳаи таърихи ватанӣ таъсири калон расонидаанд.

    Дар кори конференсия ба ҳайси намояндаи Мақомоти иҷроияи ҳокимияти давлатии Вилояти Мухтори Кӯҳистони Бадахшон муовини Раиси ВМКБ Абдулназарзода Абдулназар Абдулқодир иштирок варзида, зимни сухани табрикотии худ қайд намуданд, ки чунин олимони варзида ба амсоли О. Боқиев бо осори таърихии худ ҷойгоҳи махсусеро дар қатори таърихнигорони варзидаи тоҷик ишғол намудаанд.

      Дар кори конференсия олимони Институти илмҳои гуманитарии ба номи Б. Искандарови АМИТ н.и.т. Д. Ниёзбеков, н.и.т. Қаландаров Т.С., д.и.филол. Офаридаев Н., н.и.т. Алимшоев М. ва ходими илмии шуъбаи таърих Карамова И. бо маърузаҳои ҷолиб дар бораи Олуболу Боқиев ва саҳми ӯ дар таърихнигории тоҷик баромад намуданд.

КОНФЕРЕНСИЯИ ИЛМӢ-АМАЛӢ ДАР ИНСТИТУТИ ИЛМҲОИ ГУМАНИТАРИИ БА НОМИ АКАДЕМИК Б. ИСКАНДАРОВИ АМИТ ИСТИҚЛОЛИЯТ – РОҲ БА СӮИ ТАРАҚҚИЁТ

06.09.2024

КОНФЕРЕНСИЯИ ИЛМӢ-АМАЛӢ ДАР ИНСТИТУТИ ИЛМҲОИ ГУМАНИТАРИИ БА НОМИ АКАДЕМИК Б. ИСКАНДАРОВИ АМИТ ИСТИҚЛОЛИЯТ – РОҲ БА СӮИ ТАРАҚҚИЁТ

     Имрӯз дар толори Институти илмҳои гуманитарии ба номи академик Б. Искандарови АМИТ Конференсияи илмӣ-амалӣ бахшида ба 33-юмин солгарди Истиқлолияти Тоҷикистон таҳти унвони “Истиқлолият – роҳ ба сӯи тараққиёт” баргузор гардид.

     Зимни сухани ифтитоҳӣ ва табрикотии худ директори ИИГ АМИТ, доктори илмҳои филологӣ Қаландариён Ҳоким Сафар таъкид бар он доштанд, ки Истиқлолият на танҳо мақоми сиёсии давлатро инъикос мекунад, балки он маҷмуи омилҳоест, ки рушди дохилию берунии давлатро муайян месозад. Ҳамзамон афзуда шуд, ки Истиқлолият ба ташаккул ва таҳкими ҳувияти миллӣ, ваҳдату ягонагии мардум ва ифтихор аз кишвари худ мусоидат намуда, барои рушди фарҳангу забон ва анъанаҳо заминаи мусоид фароҳам меорад.

     Дар кори конфронс олимони Институт профессор Офаридаев Назрӣ бо маъруза таҳти унвони “Рушди забони давлатӣ дар даврони соҳибистиқлолии кишвар”, номзади илмҳои таърих Аламшоев Қурбониддин бо маъруза таҳти унвони “Сиёсати фарҳангии давлати Тоҷикистон дар солҳои Истиқлолият” ва докторант (PhD)-и ИИГ АМИТ Ҷумъахонов Гулша бо маъруза таҳти унвони “Дастовардҳои иқтисоди миллии Ҷумҳурии Тоҷикистон дар даврони соҳибистиқлолӣ” баромад намуданд. Дар умум қайд гардид, ки беҳтарин натиҷаҳои мусбии Истиқлолияти давлатамон инҳо ташаккули давлатдорӣ, таҳкими ҳувияти миллӣ, рушди гидроэнергетика, ҷалби сармоя, навсозии иктисодиёт, баланд бардоштани дараҷаи зиндагонӣ, мустаҳкам намудани демократия мебошанд.