Санаи 15.04. 2022, дар Раёсати АМИТ, бо ибтикори Институти забон ва адабиёти ба номи Абуабдуллоҳи Рӯдакӣ, ба ифтихори  144-солагии асосгузори адабиёти муосири тоҷик, қаҳрамони Тоҷикистон, устод Садриддин Айнӣ конфронси  илмӣ-амалӣ таҳти унвони “Устод Айнӣ ва илму адабу фарҳанг” баргузор карда шуд. Конфронсро саркотиби илмии АМИТ, профессор Қосимшо Искандаров оғоз бахшида, зикр намуд, ки устод Айнӣ аз фарзандони фарзонаи миллати тоҷик аст, ки дар як замони мураккабу тағйирёбандаи сиёсиву фарҳангӣ тавонист бо талошҳои хастанопазирашон манфиати миллии гузаштаву имрӯзаи моро ҳифз намояд.