АСОИ АЛЛОМА Б. ҒАФУРОВ ДАР ЯЗГУЛОМ

     Рӯзи 12-уми июли соли 1977 ногаҳон хабари марги Бобоҷон Ғафуровро шунидем. Баъд аз он ки маросими кафну дафни Бобоҷон Ғафуровро бо дабдаба гузаронданд, падарам боз ба хонаи ӯ рафта асояшро гирифта овард ва моро васият кард, ки ин асо бояд аз насл ба насл дар хонаи мо ҳамчун ёдгорӣ боқӣ бимонад.

ШУРОИ ҶАМЪБАСТИИ СОЛИ 2024

ТАБРИКОТИ ЗОДРӮЗӢ

ТАБРИКОТИ ЗОДРӮЗӢ

      Ҳайати кормандони институт зодрӯзи ҳамкорамон, профессори соҳибтаҷриба ва доктори илмҳои иқтисод Ғоибназарзода Саид Муҳаммадназарро бо самимияти хоса табрик мегӯянд.
       Бо фаъолияти худ дар соҳаи таълим ва илм, он кас ба пешрафти раванди таълимӣ мусоидат намуда, барои донишҷӯён ва ҳамкорон ҳамчун шахсияти бомаърифат ва кордон намунаи ибрат мебошанд. 
         Ба ин муносибат, аз самими қалб орзумандем, ки рӯзгори он кас ҳамеша пур аз саломатӣ , барору муваффақият бошад. Бигзор ҳамаи ташаббусҳо ва талошҳои минбаъдаи касбӣ бо дастовардҳои арзанда оро ёбанд. 

         Бо эҳтиром,
         Ҳайати кормандони Институти илмҳои гуманитарии ба номи академик Баҳодур Искандаров 

РУЗИ МАВЛУДИ УСТОД ВАРҚА ОХОНИЁЗОВ ХУҶАСТА БОД!

Рузи мавлуди устод Варқа Охониёзов хуҷаста бод!

          Институти илмҳои гуманитарии ба номи академик Б.Искандарови АМИТ ва дар заминаи он шуъбаи фолклор ва адабиёти Бадахшон аз нахустин рӯзи таъсисёбиаш беҳтарин муҳаққиқонро ба воя расонд. Нахуст мудирияти ин шуъбаро доктори илмҳои филология, профессор Нисор Шакармамадов ба уҳда дошта, ҷавонони лаёқатмандро ба омӯзиши фолклору адабиёти Бадахшон ҷалб намуд ва дар муддати начандон тулонӣ онҳоро ба камол расонд. Яке аз чунин чеҳраҳои шинохтаи илми фолклоршиносиву адабиётшиносӣ доктори илмҳои филология Охониёзов Варқа Дустович мебошанд, ки пас аз профессор Н. Шакармамадов мудирияти шуъбаи фолклор ва адабиёти Бадахшонро ба уҳда гирифт. Дар давраи мудириаш дар шуъба як қатор корҳои таҳқиқотии назаррас анҷом дода шуда, тайи чандин солҳо роҳбарии лоиҳаҳои шуъбаро ба уҳда доранд. Дар баробари ин ходимони шуъба бо маслиҳату машварати ӯ таҳқиқоти зиёдро ба анҷом расонида истодаанд. Охониёзов В.Д. тавонист, ки пас аз профессор Н.Шакармамадов дар пешбурди шуъба, аз ҷумла таҳқиқи масоили мухталифи фолклору адабиёт ва омодасозии шогирдон сањми назаррас гузорад. Бояд қайд кард, ки шуъбаи фолклор ва адабиёти Бадахшони Институти илмҳои гуманитарии ба номи академик Б. Искандарови АМИТ ба номи ин ду шахсияти нотакрор ҳамбастагӣ дорад.

          Охониёзов Варқа Дустович муаллифи монографияҳои илмии “Мафҳум ва рамзи рангҳо дар назми классикии форсу тоҷик” (Душанбе: Дониш, 2010. – 243 с.), “Нодир Шанбезода ва адабиёти муосири тоҷик” (Душанбе: матбааи Донишгоҳи славянии Тоҷикистон, 2012. – 189 с.), “Пайдоиш ва ташаккули шеъри муаллифӣ ба забонҳои помирӣ” (Душанбе: Эр граф, 2017. – 330 с.), “Таърихи адабиёти форсии тоҷикӣ дар Бадахшон, китоби аввал: Заминаҳои пайдоиш ва таҳаввули адабиёти форсии тоҷикӣ дар Бадахшон” (Душанбе: Сифат – Офсет, 2022. – 328 с.) ва маҷмуаи мақолаҳои “Берангӣ хосияти Офаридгор” (Душанбе: ҶДММ “Контраст”, 2010. – 193 с.) ва “Таҳаввули адабиёти Бадахшон дар замони истиқлолият” мебошад. Ҳар яке аз ин асарҳо дорои арзиши баландӣ илмӣ мебошанд. Дар баробари монографияҳо мавсуф муаллифи зиёда аз 80 мақолаҳои сирф илмӣ ва 142 мақолаҳои энсеклопедӣ мебошанд, ки дар маҷаллаҳои илмии ватанӣ ва хориҷӣ нашр гардидаанд. Дастгириву ғамхориҳои пайвастаи Охониёзов Варқа ба аҳли кормандон ва шогирдон сазовори таҳсину офаринанд.

         Имрӯз, ки устод Охониёзов Варқа Дустович рӯзи мавлуд доранд, кормандони Институти илмҳои гуманитарии ба номи академик Б.Искандарови АМИТ бо камоли эҳтиром барояшон саломатии бардавом, умри бехазон, неруи тоза, дастовардҳои нави илмиро таманно доранд.

МАВЛУДАТОН ХУҶАСТА БОД!!!