ҶАЛАСАИ ТАНТАНАВӢ БАХШИДА БА РӮЗИ МОДАР

ҶАЛАСАИ ТАНТАНАВӢ БАХШИДА БА РӮЗИ МОДАР

     Имрӯз дар толори Институти илмҳои гуманитарии ба номи Б. Искандарови АМИТ ба муносибати Рӯзи Модарон ҷаласаи тантанавӣ баргузор гардид. Ҷаласа бо суханони табрикотии директори Инстити илмҳои гуманитарӣ доктори илмҳои филологӣ Қаландариён Ҳоким Сафар оғоз гардид. Қайд гардид, ки боиси хурсандӣ аст, ки ҳамасола дар оғози фасли зебои баҳор, ҷашни фархундаи Рӯзи Модар таҷлил карда мешавад. Ин ҷашн – тараннуми бузургтарин атои ҳаёт аст, ки дар симои модар таҷассум ёфтааст. Модар сарчашмаи офариниш аст, ки ба мо ҳастӣ мебахшад, дар оғӯши меҳр парвариш медиҳад, аввалин суханҳо ва қадамҳоро меомӯзад ва бо орзуҳои беканор моро ба камол мерасонад. Бо шарофати кӯшишҳои пайвастаи Пешвои миллат, муҳтарам Эмомалӣ Раҳмон, нақши занони тоҷик дар ҷомеа ба қуллаҳои нав расид. Онҳо, чун ситораҳои дурахшон, дар тамоми соҳаҳои зиндагӣ медурахшанд ва бо ташаббусҳои созандаашон ба рушди давлати мо саҳми арзанда мегузоранд.

     Дастгирии занон, ҳамчун афзалияти муҳими сиёсати пешгирифтаи Ҳукумати Тоҷикистон, дар Паёми Президенти кишварамон дар соли 2019 таъкид шуд. Зикр гардид, ки занон, дар баробари мардон, дар татбиқи сиёсати давлат фаъолона иштирок мекунанд ва ба пешрафти ҷомеаи демократӣ ва ҳуқуқбунёд саҳми бебаҳо мегузоранд. Ва мо минбаъд низ ташаббусҳои созандаи онҳоро дастгирӣ хоҳем кард.

     Дар табрикотҳои баъдина аз тарафи ходимони илмии Институт таъкид бар он шуд, ки модарон ва бонувон на танҳо дар оила, балки дар ҷомеа низ нақши муҳим доранд. Онҳо тарбияткунандагони насли оянда, муҳофизони арзишҳои миллӣ ва иштирокчиёни фаъоли ҳаёти ҷамъиятӣ мебошанд. Занон дар соҳаҳои гуногун, аз қабили маориф, тандурустӣ, фарҳанг ва иқтисод фаъолона иштирок намуда, ба рушди кишвар саҳми арзанда мегузоранд. Маҳз занон бо меҳру муҳаббати бепоён ва сабру таҳаммулпазирии худ ҷомеаро обод ва муттаҳид месозанд.

     Дар фарҷоми ҷаласа зимни суханони табрикотӣ дар симои занони ин муаасисаи бонуфузи илмӣ тамоми занону модарони кишвар бо эҳсоси сипос ва эҳтиром, ҳамаи модарон ва бонувони азизро бо ин ҷашни зебои баҳорӣ самимона табрик табрик гардиданд.

     Қайд гардид, ки бигзор рӯзҳои ҳар як модару зан пур аз нур ва шодӣ бошанд ва дилҳояшон аз гармӣ ва муҳаббат саршор гарданд. Саломатии  бардавом, хушбахтӣ ва муваффақият дар ҳама корҳои некашон ҳамқадам бошад.

ЭЪЛОН!

РӮЗИ ҲИМОЯТГАРОНИ ВАТАН МУБОРАК!

Эҳтиром ва ифтихор – ба ҳама ҳомиёни далеру шуҷои Ватан!

Сарбаландӣ ва қувват – ба ҳар як афсару сарбози Тоҷикистон!

Тинҷиву осудагӣ ва пешрафти устувор – ба тамоми мардуми азизи кишвар!

21-уми феврал - Рӯзи байналмилалии забони модарӣ муборак бод!

21-уми феврал - Рӯзи байналмилалии забони модарӣ муборак бод!

     Имрӯз дар тамоми дунё мардум як рӯйдоди муҳимеро ҷашн мегиранд, ки он Рӯзи байналмилалии забони модарӣ ҳаст. Забоне, ки танҳо воситаи иртибот набуда, балки бахши ҷудоинопазир аз фарҳанг, таърих ва ҳувияти мо мебошад. Ин рӯз фурсати олӣ барои ба ёд овардану таъкид аз боигарӣ ва гуногунии забонҳои ҷаҳон, аҳаммияти ҳифзу ташаккули онҳо аст. Ҳар як забон ин таърих, қабати фарҳангӣ ва инъикоскунандаи эҷодиёти шифоҳии халқиятҳои гуногун ба ҳисоб меравад.

     Забони модарӣ... Чӣ қадар калимаи ширин ва азиз аст ин! Ин нахустин суханон, нахустин ҳарфҳоест, ки мо дар кӯдакӣ аз модар мешунавем. Ин забонест, ки бо он мо фикр мекунем, эҳсос мекунем ва бо дигарон муошират мекунем. Забони модарӣ - ин ганҷи бебаҳост, ки аз насл ба насл мегузарад ва моро бо таърих, фарҳанг ва анъанаҳои миллатамон пайванд медиҳад.

     Дар ҷаҳони имрӯза, ки пур аз гуногунии забонҳост, ҳар як забон дорои арзиши беназир аст. Ҳар як забон - ин як олами бузург аст, ки дар он фарҳанг, таърих ва таҷрибаи халқ таҷассум ёфтааст. Гуногунии забонҳо - ин сарвати умумибашарист, ки бояд ҳифз ва қадр карда шавад. Дарку эҳтиром ба гуногунзабонӣ – ин роҳ ба тақвияту ҳамдигарфаҳмии байни милатҳову нажодҳои мухталиф мебошад.

     Бигзор ин рӯз моро ба омӯзиши минбаъда ва нигоҳ доштани тозагӣ ва зебоии он илҳом бахшад. Бигзор он як такони қавӣ барои рушд ва шукуфоии забонҳо ва фарҳангҳои мо, таҳкими минбаъдаи ҳамкориҳои байналмилалӣ дар асоси эҳтиром ва фаҳмиши мутақобила бошад.

Муборак бошад!!!